asdsadasdas

Dagar koma

January 28th, 2009

n1369376564_30197073_1186Nú er janúar að verða búinn og við tekur heldur skemmtilegri tími. Febrúar býður uppá Valentínusardaginn og því er mynd af Steina við hæfi. Áhugasömum er bent á lochness@monster.com

Annars er það að frétta af Einari að hann er nýbúinn að læra að telja upp að 10 og liggur því beint við að hann sæki um starf sem seðlabankastjóri. A.m.k. ætti hann að fljúga þar inn miðað við aldur og fyrri störf þessarar stofnunar.

Eins og alir vita þá verða kosningar í vor. Ég fagna því gríðarlega, ekki vegna þess að það þýði stjórnarskipti heldur að nú getur maður farið og “kynnt” sér málefni flokkana eða drukkið bjórinn þeirra. Í ljósi þess að bjórkippa verður ekki keypt í dag nema á Visa-rað þá þýðir það að maður þefar uppi hverskonar viðburði sem fela í sér okeypis áfengi. Ef þú veist um góða staði með ókeypis áfengi, sendu það í komments.

Ný síða

January 27th, 2009

Rósa galdrakona er búin að græja nýja síðu og eins og þið sjáið er hún af dýrari týpunni. Ég er þegar búinn að fá þrjú tilboð frá Microsoft um kaup á gripnum en ég held nú síður! Þessi síða er ekki til sölu til þess eins að vera blóðmjólkuð sem cash cow og svo þjóðnýtt þegar allt fer til fjandans.  Ætla að beita mér af fullum krafti á morgun í Rekstrarstjórnun að skrifa lengri og fallegri póst um Einar og ævintýri hans. Þangað til þökkum við Rósu fyrir frábært framtak í þágu heimsins og vonum að hún vinni Friðarverðlaun Nóbels.